لما بدأت أكتب «يوميات شاب موكوس» ماكنش نفسى اعمل كتاب لقراء الكتب فقط.. لكن كان نفسى اعمل كتاب يقروه كمان الناس اللى مبتحبش قراية الكتب، اللى هما عمرهم ما كملوا كتاب لأخره... المزيد »

نفسى أطير طيارة
وبعد ما اطيرها
أوقعها
أو أصطاد سمكة بسنارة
وارميها بعد ما اطلعها
بجد.. بجد
أنا فى أزمة
أنا حاسس إنى ماليش لازمة
نفسى يكون ليا قضية
الناس والدنيا تصدقها

ف حياتى قابلت
كام بنت!
على بابها فكرت أخبط
دا كتير فى الحب اتكعبلت
ولا عمرى عرفت أظبط
أنا آخرى أكون
حد جميل
وكمان يتمنولى الخير
بس اللى تاعبنى
إن أمى
نفسها تفرح وتزغرد

أنا من جيل
لسانه تقيل
نص كلامه محدش فاهمه
جيل التحسين والتعديل
والاتنين صعبين يتفهمو
أنا من جيل الشمعدان
جيل فوازير نيللى وشريهان
أنا واحد من ضمن كتير
أحلامهم يادوب يترسمو